Neymar nuk mund të krahasohet me Messin

Mesfushori kosovar i Bayern Munichut, Xherdan Shaqiri, ka thënë se talenti brazilian, Neymar, nuk mund të krahasohet me yllin e Barcelonës, Lionel Messin.
Gjatë një interviste të dhënë për Blick, mesfushori kosovar tha: “Neymar është një lojtar i ri i cili ende mund të përmirësohet. Ai nuk mund të krahasohet me Messin”.
Më tej Xherdani ka folur edhe për gjasat e kombëtares zvicerane në Botërorin “Brazili 2014”, ku ka shprehur bindje se do të Zvicra do t’i befasojë të gjithë.
“Brazili shpesh më shkon ndërmend. Nuk ka ndjenjë më të mirë sesa të përjetosh një Kampionat Botëror. Unë kam qenë në botërorin “Afrika e Jugut” si 18-vjeçar dhe nuk e harroj kurrë. Ne kemi një ekip të mirë, nëse kualifikohemi ne mund të jemi skuadra befasuese në vitin 2014″, ka potencuar Shaqiri.